مافيش مكـــــــان

مافيش مكان

مافيش مكان ف القلب تانى يحبك اكتر..
ومافيش كلام ومافيش معانى اعرفها تقدر..
ترسم هواك ف القلب لو حبيت اصور..
وتقول عليك يااغلى حب.. تعبت ادوّر..

ونفسى اقول كلام يكون مااتقالش ابدا..
ولا اتنشر بين البشر ف الكون دا ابدا..
كلام يكون عند الملايكه بس مثلا..

واحكيلك اللى بحس بيه..
من سحر حبك واللى فيه..
احكى واقولك قد ايه..
حبك جميل مااعرفش ليه..

ياريت تكون بتحبنى..نقطه ف بحر حبى ليك..
اتمنى مره تضمنى..لحظة ماقلبى بيناديك..
وتسمع ايه بيقول عليك..
وقد ايه كان نفسه فيك..

اجمل من الاحلام هواك..
ياعمرى نفسى اكون معاك..
اجمل مافى العالم لقاك..
ياروحى ليله انول رضاك..

خلاص تعبت من الكلام..
وجبت آخرى ف الغرام..
لو تقول اكتر.. حرام..
مافيش مكان