رضيت أنا حبك وبس ما فيه عقب الروح روح

رضيت أنا حبك وبس ما فيه عقب الروح روح
لي روح وحدة وإن قضت يعني وصلت نهايتــي

أقول.. يا حلو الغرام ليا جمع صدق ووضــــوح
وأقول يا حلو التعب يوم إن عيونك غايتــــــــــــي

إن قلت أحبك.. حبك بقلبي يفوق الـــــــلي أبوح
يكفيك فخر إنك على درب الســــــــــــرور بدايتي

والليل لو عاد بسماه المظلمة قمرا تلــــــــــوح
ما شوفها غيرك ولا به غير نورك حـــــــــاجتي

والناس شفت وجوههم ما بينها وجه(ن) صبـــوح
يا كود وجهك صار عن باقي الوجوه كفايتــــــــي

قلبي معك لو ساقت الدنيا لنا حظ(ن) شحــــــــــوح
أزحف لك ولو ما قوت تركز عظامي قامتـــــي

شي(ن) يشّرفني وأنا أضيق لعيونك وأنــــــــــــوح
حتى قليل إن الوفا وياك يصبح رايتــــــــــــــــي

وأقول يفداك العمر لو راح لعيــــــــــونك يروح
يوم إني ألقى فوق كفينك دفاي وراحتـــــــــــــي

تأكدي إني لحبك يا بعد كلي نصــــــــــــــــــوح
كلك على بعضك رضيت او ما رضيت هوايتي

لا شك إنك روحي وما لي بعد ما فقدك روح
وليا حصل يوم وتركتيني وصلت نهــــــــــــايتي

موضوعك مميز وجميل ونرجو المزيد

ابو اسلام
تسلم يمناك لمرورك الذي نور صفحتى
ويارب مايحرمنا منك ولا من مرورك
لك منى ارق التحااااايا

» بلسم الروح الجريحه